O Colexio de Enfermaría renova o convenio co Club Fluvial de Lugo para a participación nos Campamentos de Verán desta entidade. Este convenio inclúe a realización dunha charla semanal impartida por profesionais de Enfermaría relacionada con hábitos saudables, no marco de fomentar estilos de vida saudables nas nosas crianzas.
As inscripcións realizaranse nas oficinas do Club Fluvial, situadas en Rúa Fermín Rivera s/n (27004 LUGO); abertas en horario de mañá e tarde; información no teléfono 982 22 11 67. Imprescindible mostar Carnet de Colexiada/o.
CONVENIO
- DESTINATARIOS: fillas/os de colexiadas/os, en caso de non ter fillas/os poderanse inscribir sobriñas/os da persoa colexiada.
- IDADES: comprendidas entre 5 e 14 anos.
Precios por semana de campamento:
- Colexiadas/os non socios do Club Fluvial: 63€
- Colexiadas/os socios do Club Fluvial: 50€
Descontos acumulables por irmáns e semanas consecutivas (a consultar no folleto adxunto).
Descontos aplicado nas oficinas do Club previa identificación co carnet de colexiada/o.
Ver FOLLETO
Os pseudónimos da/os gañadora/es do “Premios Muralla de Lugo 2026”, cuxo obxectivo é fomentar a investigación e a participación dos colexiados en actividades científicas relacionadas coa profesión enfermeira, son:
- Pseudónimo “SGR”
- Pseudónimo “ANONIMALUGO2026”
- Pseudónimo “XOANIÑA”
- Pseudónimo “RAIZ”
O premio entregarase na “Festa de Enfermería: Homenaxe á excelencia profesional” o próximo 29 de maio, é imprescindible a asistencia dalgún autor/a de os traballos premiados para recibir o premio.
“Estes Premios están subvencionados polo Consello Xeral de Enfermería dentro do programa de promoción da investigación enfermeira”
Ao aceptar o premio os gañadores declaran cumprir ao bases publicadas na páxina web do Colexio de Lugo, en caso contrario, deberán devolver o premio outorgado.
A cea terá lugar o 29 de maio no restaurante A Fortaleza, en Lugo, a partir das 20:30 horas.
- Esiximos respecto para a enfermaría.
- Esiximos respecto para as nosas competencias profesionais.
- Esiximos respecto para cada enfermeira e enfermeiro que, con rigor, compromiso e humanidade, fai posible unha atención sanitaria de calidade.
Feliz Día das Letras Galegas 2026. Viva Begoña Caamaño, viva o galego e viva a enfermaría que coida tamén coas palabras.
Cada 17 de maio, Galicia celebra o Día das Letras Galegas, unha data que a Real Academia Galega instaurou no ano 1963 co propósito de homenaxear a aquelas figuras que destacaron pola súa creación literaria en lingua galega ou pola súa defensa firme do idioma, recoñecendo así a forza dunha lingua para unir un pobo baixo unha mesma identidade. Dende o Colexio Oficial de Enfermaría de Lugo queremos sumarnos a esta celebración.
A homenaxeada deste ano 2026 é Begoña Caamaño, nada en Vigo o 14 de outubro de 1964 e finada en Santiago de Compostela o 27 de outubro de 2014. Escritora e xornalista deixounos dúas novelas que se converteron en referencia da narrativa galega contemporánea, nas que reescribiu con voz propia o mito da Odisea e a lenda do rei Artur, devolvéndolles aos relatos clásicos a presenza e a voz das mulleres que a tradición tantas veces silenciou. A súa obra é un exemplo de como a literatura pode ser, ao mesmo tempo, espello e fiestra: espello no que recoñecernos como pobo e fiestra aberta ao universal dende o noso idioma.
Begoña Caamaño foi tamén unha xornalista comprometida, traballadora incansable da palabra rigorosa e do servizo público. A propia Real Academia Galega lembra que a súa figura emerxe nun momento no que urxe “reconstruír o espazo dun xornalismo para a cidadanía, comprometido coa verdade e co uso do galego”.
Dende o Colexio de Enfermaría de Lugo reivindicamos, neste Día das Letras Galegas, o dereito dos profesionais a exercer en galego e o dereito da cidadanía a ser atendida na súa lingua. Animamos ás enfermeiras e enfermeiros a ler a Begoña Caamaño, a descubrir esa prosa precisa e poderosa, e a seguir o seu exemplo de coherencia entre o que se escribe, o que se di e o que se fai. Que a súa memoria nos inspire para seguir tecendo, día a día, unha enfermaría máis humana, máis culta e máis nosa.
Comparar ás enfermeiras e enfermeiros con bulos ou coa intelixencia artificial é, sinxelamente, inaceptable.
Debemos lembrar, para non caer na ignorancia que a enfermaría é unha profesión universitaria, científica e regulada, cunha formación de Grao, máster, doutoramento e especialidades oficiais. Producimos coñecemento propio, publicamos en revistas científicas, lideramos investigación e somos peza clave para a seguridade do paciente, tal e como avala a literatura científica internacional. Non somos unha fonte de rumores: somos unha fonte fiable de información, baseada na evidencia.
En sanidade, o respecto entre profesións non é só un valor ético, senón tamén unha ferramenta clínica. Os equipos que traballan dende a horizontalidade e que validan a voz de cada profesional multiplican a seguridade do paciente e melloran os resultados en saúde. Estos discursos, anacrónicos, xerárquicos ou descualificadores, so debilitan o traballo en equipo e prexudican ás persoas ás que atendemos.
Por iso, dende o Colexio Oficial de Enfermaría de Lugo reafirmamos o noso compromiso coa cidadanía: seguiremos traballando, coidando e asesorando ás persoas de Lugo e de Galicia con rigor e profesionalidade, como facemos cada día nos hospitais, centros de saúde, residencias, domicilios, escolas e empresas da nosa provincia.
