O Colexio Oficial de Enfermería de Lugo é unha corporación de dereito público e estrutura democrática , recoñecida e amparada pola constitución , o estatuto de autonomía de Galicia e a lexislación vixente en materia de colexios profesionais , ao que han pertencer todas as enfermeiras e enfermeiros que, de acordo con a lexislación vixente, exercen a profesión en calquera das súas modalidades , con domicilio profesional único ou principal dentro do ámbito territorial que comprende a provincia de Lugo, xa sexa de forma independente ou ben ao servizo da administración central do estado, ou da comunidade autónoma, a local, a institucional, ou de calquera entidade pública ou privada.
FUNCIÓNS
- A ordenación do exercicio da enfermaría no ámbito da súa competencia.
- Garantir que o exercicio profesional da enfermaría se adecue á normativa, a deontoloxía e as boas prácticas, e que se respecten os dereitos e os intereses das persoas destinatarias da actuación profesional.
- Asumir a representación corporativa de todas as colexiadas e colexiados ante as autoridades, organismos públicos, tribunais de xustiza e calquera ente legalmente constituído.
- Representación e defensa corporativa dos intereses profesionais e o prestixio de todas as colexiadas e colexiados ou calquera deles, se son obxecto de vexación en cuestións profesionais.
- Velar pola ética profesional, evitar o intrusismo e a competencia desleal entre os profesionais, intervir como mediador e con procedementos de arbitraxe nos conflitos que por motivos profesionais suscítense entre as colexiadas e colexiados e exercer a xurisdición disciplinaria en materias profesionais e colexiais, nos termos establecidos pola lei e os presentes Estatutos.
- Asesorar ás corporacións oficiais e as persoas individuais e colectivas, nas formas previstas pola lei.
- Participar na elaboración e execución dos plans de estudo, especialmente no que se refire á fase postgraduada e de especialización.
- Velar pola mellora técnica, profesional, social, moral e económica dos seus membros, e fomentar a formación mediante a organización de cursos de formación postgraduada.
- Adoptar as medidas necesarias para facilitar o exercicio profesional non permanente, en cumprimento do establecido na normativa da Unión Europea e as leis.
- Colaborar coa Administración pública mediante a participación en órganos administrativos cando así se prevexa legalmente e emitir os informes que lles sexan requiridos por órganos ou autoridades administrativos e xudiciais, tanto no que se refire a cuestións relativas a honorarios profesionais como noutras cuestións.
- Informar sobre os proxectos de disposicións xerais que afecten o exercicio da profesión enfermeira ou o Colexio.
- Fomentar o uso da lingua galega entre as persoas colexiadas e nos ámbitos institucionais e sociais nos que se exerce a profesión enfermeira.
- Aprobar os seus orzamentos e regular e fixar as achegas das persoas colexiadas.
- Rexistrar os títulos de colexiados nas modalidades de; graduado en Enfermaría, diplomado en Enfermaría, especialista, axudante técnico sanitario, practicante e calquera outro título expedido polos países membros da Unión Europea, na actualidade e no futuro, e por outros terceiros países , previa homologación por parte do Ministerio competente, se é necesario este requisito, e inscribilos nos libros de rexistro correspondentes.
- Levar un rexistro especial onde se anoten as colexiadas e colexiados que ostenten as especialidades recoñecidas oficialmente.
- Dispoñer dun Rexistro de Sociedades Profesionais onde se inscriban as sociedades de profesionais creadas para o exercicio da profesión.
- Levar rexistro especial onde se anoten as asociacións de profesionais que se poidan crear para o exercicio da profesión.
- Fomentar e prestar servizos en interese das persoas colexiadas e da profesión enfermeira en xeral.
- Redactar e aprobar os regulamentos de orde interna que se estimen convenientes para a boa marcha do Colexio, que en ningún caso contradirán o establecido nestes Estatutos e normas superiores de obrigado cumprimento.
- Establecer, mediante os acordos e convenios que sexan necesarios, as relacións do Colexio co resto de colexios, entidades e organizacións.
- Velar por que os medios de comunicación social divulguen os avances da enfermaría científicamente arraigados e eviten toda propaganda ou publicidade de carácter xeral equívoca.
- Organizar conferencias, congresos, xornadas, adquirir libros destinados á súa biblioteca, publicar revistas, folletos, circulares, e, en xeral, poñer en práctica os medios que se estimen necesarios para estimular o perfeccionamento técnico, científico e humanístico da profesión.
- Organizar actividades e servizos comúns de carácter profesional (servizos de asesoramento legal, laboral, fiscal e de calquera clase, cultural, asistencial, formativo, de previsión ou análogos) que sexan de interese para as colexiadas e colexiados.
- Colaborar coas asociacións e outras entidades representativas dos intereses cidadáns directamente vinculadas co exercicio da profesión.
- Para o cumprimento dos seus fins, o Colexio poderá adquirir, allear, dispoñer e, en xeral, administrar nos termos máis amplos toda clase de bens mobles e inmobles, créditos, dereitos, accións, realizando toda clase de actuacións, tanto de administración como de dominio.
- Para un mellor cumprimento das súas funcións o Colexio poderá crear fundacións ou outras entidades sen ánimo de lucro.
- As demais funcións que lle atribúe a lexislación vixente, as que lle sexan delegadas das administracións públicas, as que sexan propias da súa natureza e fins, e as que beneficien a profesión oa as persoas colexiadas.