O Instituto Español de Investigación Enfermeira do Consello Xeral de Enfermaría, en colaboración coa Asociación Española de Enfermaría de Otorrinolaringoloxía e Cirurxía de Cabeza e Pescozo (AEEORL-CCC), publicou o Marco de Actuación da Enfermeira en Coidados Avanzados de Otorrinolaringoloxía e Cirurxía de Cabeza e Pescozo. Este documento ten como obxectivo principal establecer as pautas para unha atención integral e de calidade en todas as fases do proceso asistencial: prevención, diagnóstico, tratamento e rehabilitación.
As enfermidades otorrinolaringolóxicas e de cabeza e pescozo representan unha parte importante das consultas médicas, cun impacto significativo na calidade de vida das persoas, xa que afectan órganos esenciais como a audición, o equilibrio, o olfacto e o gusto. Estas doenzas poden ser tanto agudas como crónicas e, en moitos casos, presentan unha gran complexidade que require coidados especializados e personalizados.
O novo marco de actuación busca responder ás esixencias técnicas e clínicas deste ámbito, garantindo coidados seguros, eficientes e adaptados ás necesidades específicas dos pacientes. Ademais, pon o foco en ofrecer unha guía clara para as enfermeiras que traballan neste eido, incluíndo aspectos éticos e deontolóxicos que aseguren unha práctica profesional de calidade.
Segundo Beatriz Tena, presidenta da AEEORL-CCC, “as enfermeiras que traballan en servizos de otorrinolaringoloxía atenden a pacientes con necesidades moi específicas, como dificultades de comunicación, déficits sensoriais ou traqueostomías, o que require unha alta capacitación e unha atención coidadosa e personalizada”.
Este documento é un paso fundamental para recoñecer e visibilizar o papel esencial das enfermeiras nos coidados avanzados de otorrinolaringoloxía e cirurxía de cabeza e pescozo, garantindo unha atención que mellore a recuperación, a autonomía e a calidade de vida dos pacientes.
A V edición dos Premios de Investigación do Consello Xeral de Enfermaría (CXE) recoñeceu a excelencia en proxectos innovadores que abordan ámbitos clave dos coidados enfermeiros, como os coidados intensivos pediátricos, a continencia urinaria en persoas maiores hospitalizadas, as intervencións para deixar de fumar dende Atención Primaria e a mellora do benestar emocional, entre outros. Nunha emotiva cerimonia celebrada na sede do CXE, entregáronse estes prestixiosos galardóns que, ademais do recoñecemento, contan cunha dotación económica destinada a impulsar investigacións con impacto real na atención sanitaria.
O Colexio de Enfermaría de Lugo quere expresar a súa máis sincera noraboa a todas as persoas premiadas, e en especial a Mª José Ferreira, profesora da Escola Universitaria de Enfermaría de Lugo, quen foi distinguida co segundo premio na categoría de ámbito comunitario e social. Este galardón recoñece o esforzo e a dedicación dos profesionais lucenses no desenvolvemento de proxectos que buscan mellorar a calidade de vida das persoas.
Xunto co seu compañeiro Mario Alberto Rivas, tamén profesor e enfermeiro, Mª José Ferreira liderou un innovador estudo experimental titulado Efectividade de intervención multifacética para mellorar o benestar emocional a través da Plataforma Mediaverso. Este proxecto propón o uso de intervencións de mindfulness e exercicio físico para reducir os niveis de estrés e ansiedade entre o alumnado do grao de Enfermaría, contribuíndo así a mellorar o seu benestar emocional e a súa preparación para afrontar os retos da profesión.
Dende o Colexio de Enfermaría de Lugo, queremos destacar a relevancia deste tipo de investigacións, que non só benefician aos futuros profesionais da enfermaría, senón que tamén reafirman o compromiso da nosa comunidade coa innovación e a excelencia nos coidados.
¡Parabéns a Mª José Ferreira, Mario Alberto Rivas e a todas as persoas galardoadas pola súa contribución ao avance da enfermaría!
O Parlamento de Galicia aprobou por unanimidade instar á Xunta de Galicia a pedirlle ao Goberno de España a creación da especialidade de Enfermería de Urxencias e Emerxencias (EEUE). A Proposición Non de Lei, presentada polo Partido Popular, foi votada este xoves.
Trátase do segundo Parlamento autonómico, tras a Asemblea Rexional de Murcia, que se une á demanda da Sociedade Española de Medicina de Urxencias e Emerxencias (SEMES) de aprobar unha formación especializada para as enfermeiras que traballan nestes servizos. Hai que lembrar ademais que Galicia apoiara anteriormente a creación da especialidade de Medicina de Urxencias e Emerxencias, que este ano convoca as súas primeiras prazas MIR.
Os servizos de Urxencias e Emerxencias supoñen un piar fundamental na atención sanitaria aos cidadáns e precisan dunha especialización profesional e específica debido ás súas características diferenciais fronte a outros servizos de atención primaria ou hospitalaria. Hai que ter en conta que o Servizo Galego de Saúde (Sergas) atendeu a máis de 1,2 millóns de pacientes nos servizos de Urxencias Hospitalarias e 21.119 Atencións en Unidades de Soporte Vital Avanzado de Emerxencias durante o ano 2024. No 2025, esta cifra aumentou ata 21.886 atencións.
Concretamente, o persoal de enfermería que afronta situacións relacionadas coa protección da vida, a seguridade do paciente e continuidade de coidados nos momentos máis complexos do proceso vital, como a atención a patoloxías tempo-dependentes ou incidentes de múltiples vítimas. Con todo, actualmente en España non existe unha formación oficial e común en todo en territorio para estas profesionais, salvo no ámbito militar desde 2019.
- Designación de interventores.
- Lectura e aprobación, se procede, da acta anterior.
- Informe de xestión da Xunta de Goberno.
- Aprobación, se procede, do blance económico e conta de resultados do ano 2025.
- Estudo e aprobación, se procede, dos orzamentos para o ano 2026.
- Rogos e preguntas.
Lugo, 03 de febreiro de 2026
- 15 % de desconto sobre a “Tarifa Parador”, e aplicable só en réxime obrigatorio de aloxamento e almorzo.
- Serán beneficiarios todos os membros que pertenzan ao colectivo, e os familiares de primeiro grao e/o cónxuxes ao seu cargo, cando vaian acompañados do beneficiario.
- Inclúense todos os que se atopen baixo a explotación de PARADORES, excepto o Parador de Casa dá Insua.