Acto de investidura como Doutora Honoris Causa pola UDC á enfermeria Dona Deniese Gastaldo

Ferrol, 19 de setembro do 2019

Onte celebrouse no Teatro Jofre, en Ferrol, o solemne acto de investidura como Doutora Honoris Causa  pola Universidade da Coruña de  Dona Denise Gastaldo,enfermeira e profesora de enfermaría da Universidade de Toronto en “Bloomberg Faculty of Nursing” e en “Dalla Lana School of Public Health”.

A Dra. Gastaldo é investigadora no “Centre for Critical Qualitative Health Research”. A súa actividade centrase no estudo da saúde como un fenómeno social, afondando en cómo afecta a saúde o través de procesos sociais, políticos e económicos, explorando a migración e o xénero como determinantes sociais da saúde, tanto en Canadá como a nivel internacional.O acto foi presidido polo reitor, Julio Abalde, a nova claustral foi introducida la súa madriña, a profesora da Facultade de Enfermaría e Podoloxía e directora do Departamento de Ciencias da Saúde María Jesús Movilla Fernández.

Asistiron numerosas autoridades académicas, civís e militares, entre elas o alcalde de Ferrol, Ángel Mato, a vicerreitora do campus de Ferrol, Araceli Torres, a decana da Facultade de Enfermaría e Podoloxía, Emma Rodríguez Maseda, o reitor da Universidade de Vigo, Manuel Reigosa, a decana da Facultade de Enfermaría e Fisioterapia da Universitat de les Illes Balears, a directora da Escola de Enfermaría e Podoloxía da Universitat de Barcelona, a vicerreitora da Universitat de Lleida, a decana de Ciencias da Saúde  da Universitat de Vic, ademais de docentes da University of Trent de Canadá e da Universidade Federal de Pelotas do Brasil, o presidente da Academia de Enfermaría de Galicia, os presidentes dos Colexios de Enfermaría de Lugo e Coruña, o director de Enfermaría de Ferrol, etc, xunto con unha nutrida asistencia de profesorado togado e alumnado da universidade coruñesa.

…