O vindeiro 23 de outubro de 2025 ás 18:30 h terá lugar na Facultade de Ciencias de Lugo a conferencia titulada:
“Alteracións metabólicas, factores xenéticos e medioambientais implicados no desenvolvemento da obesidade infantil. Estratexias para o seu tratamento”
A sesión será impartida polo Prof. Ángel Gil Hernández, catedrático e profesor emérito do Departamento de Bioquímica y Biología Molecular de la Universidad de Granada e presidente de honra da Fundación Iberoamericana de Nutrición (FINUT).
O Prof. Gil é unha das figuras máis destacadas a nivel internacional no ámbito da nutrición e da obesidade infantil. Conta con máis de 820 publicacións científicas, 18 patentes, 60 teses doutorais dirixidas e unha longa traxectoria en proxectos europeos e internacionais.
O seu Tratado de Nutrición é obra de referencia en todos os países de fala hispana. Entre outros recoñecementos, recibiu o Premio Gregorio Marañón da Real Academia de Gastronomía (2017) e o Premio ESPEN “Sir David Cuthbertson Lecture Award” (2021).
- Data: 23 de outubro de 2025, ás 18:30 h
- Lugar: Facultade de Ciencias de Lugo, Rúa Afonso X O Sabio, s/n, 27002 Lugo
- Entrada libre ata completar capacidade
