Publicada a Resolución do 20 de marzo de 2025, da Dirección Xeral de Recursos Humanos, pola que se procede ao nomeamento como funcionarios/as de carreira das persoas aspirantes que superaron o proceso selectivo para o ingreso por concurso-oposición en diversas clases de persoal funcionario sanitario da escala de saúde pública e administración sanitaria, convocado pola Resolución do 24 de novembro de 2021 (DOG nº. 235, do 9 de decembro).
Detalles da resolución:
- Declárase finalizado o proceso selectivo para o ingreso por concurso-oposición.
- Nomeamento como funcionarios/as de carreira dos/as aspirantes seleccionados/as incluídos no anexo da resolución.
- Adxudicación de destinos provisionais conforme á base 9.4 da convocatoria e ao resultado da elección de destino realizada.
A resolución completa, xunto co anexo correspondente, está dispoñible na páxina web oficial do Sergas: OPE 2018-2022 Persoal funcionario Lei 17/1989
Prazo de incorporación:
Os/as aspirantes nomeados/as deberán incorporarse á praza adxudicada nun prazo dun mes, contado desde o día seguinte ao da publicación desta resolución no Diario Oficial de Galicia.
Formación obrigatoria en igualdade e prevención da violencia de xénero:
De acordo coa normativa vixente, os/as aspirantes deberán realizar actividades formativas obrigatorias en materia de igualdade e prevención e loita contra a violencia de xénero, nun prazo máximo de seis meses desde a publicación do nomeamento no DOG. Esta formación é condición indispensable para o perfeccionamento do nomeamento, salvo que xa se realizase previamente e conste rexistrada en Fides/expedient-e.
Recurso:
Contra esta resolución, que pon fin á vía administrativa, poderá interpoñerse recurso potestativo de reposición ante o órgano directivo no prazo dun mes desde o día seguinte á súa publicación, ou ben impugnarse directamente na xurisdición contencioso-administrativa, conforme á normativa aplicable.