16/09/2018
A Asociación socio-educativa Antonio Gandoy, convida as/os profesionais do ámbito sanitario que traballan ó carón da infancia e das familias, a unha charla informativa na que se explicará a labor que a nosa asociación realiza no ámbito da educación infantil familiar.
Fecha: 28 de setembro de 2018 as 18h.
Lugar: Colexio de Enfermería de Lugo (Avd de la Coruña 104, entr B)
Esta Asociación nace, despois da desaparición da Fundación Preescolar na Casa, co fin de preservar e dar difusión aos 36 anos de traballo daquel proxecto educativo. Está constituída por ex-traballadoras da Fundación que, despois de case 5 anos de andaina, queremos presentarvos o noso traballo.
A parte máis visible son os denominados “Espazos das Familias”, teñen como fin que os pais e as nais, en definitiva as familias con nenas e nenos de cero a tres anos, dispoñan dun lugar e un tempo no que compartir, debater e reflexionar sobre a marabillosa experiencia da crianza dos nenos e nenas; coñezan cales son as actividades mais axeitadas para acadar o mellor desenvolvemento dos seus fillos e fillas, tendo en conta a súa idade; e, tamén, para favorecer que nenas e nenos se atopen con outros das mesmas ou parecidas idades e cos adultos.
Estes encontros teñen lugar cada semana, con unha duración aproximada de dúas horas. Nun ambiente axeitado para compartir dúbidas e experiencias coas demais familias, facendo actividades axeitadas a cada idade, nas que se poida xogar relaxadamente cos fillos e fillas, e propoñer pautas de actuación para o futuro.
Mais información enhttp://antoniogandoyeducacion.blogspot.com/
Sen máis despedímonos agardando contar coa vosa presenza.
Posted in Blog/Noticias by Noticias Enfermería Lugo